Cundiziuns generalas da fatschenta
§ 1) La valaivladad
Las cundiziuns generalas da fatschenta valan per tut las relaziuns da fatschenta tranter la {Firma} e sia clientella. Cun l'empustaziun confermais Vus d'avair legì las cundiziuns generalas da fatschenta e dad esser d'accord cun ellas. Sulettamain prender invista da nossa pagina-web è nunliant e na motivescha nagina relaziun giuridica.
§ 2) La purschida
Tut ils pretschs s'enclegian en la valuta tschernida da la clienta u dal client {Inkl./Exkl. MwSt} taglia sin la plivalur. Ils pretschs inditgads, ils maletgs dals products e las descripziuns dals products èn senza garanzia. Ils termins da furniziun, la disponibladad ed errurs èn reselvads.
§ 3) Ils termins da furniziun
Products che nus avain en provisiun elavurain nus immediatamain suenter l'entrada da l'empustaziun, ils auters empustain nus tar noss furniturs. Ils products empustads vegnan furnids tenor cunvegna cun la clienta u il client. Pervia da retards causa nundisponibladad da vart dals furniturs u per consequenza d'infurmaziuns mancantas da vart da la clientella na resultan nagins dretgs per la clienta u il client.
§ 4) La spediziun
Ils custs da spediziun vegnan calculads a basa dal pais dal pachet ed inditgads correspundentamain en il process d'empustaziun.
§ 5) Il pajament
Rauba empustada tar la {Firma} sto vegnir pajada ordavant.
§ 6) La garanzia
Il furnitur ha in'obligaziun da diligenza e furnescha ils products en buna
qualitad. Il termin da garanzia dura in onn.
Exclus da la garanzia èn donns e disturbis ch'il
furnitur n'ha betg da responsar, sco l'isada natirala, forza superiura,
in tractament fauss, intervenziuns da la clientella u da terzs, in diever
exagerà, meds d'interpresa betg adattads ubain influenzas dal conturn extremas.
§ 7) Il dretg da restituziun
Products cun ina mancanza da qualitad pudais Vus returnar a nus tenor cunvegnientscha precedenta entaifer 7 dis en in stadi irreproschabel e betg duvrà en l'emballadi original e sin agens custs.
§ 8) Indicaziun giuridica
La dretgira cumpetenta è {Ort}. I vala sulettamain il dretg svizzer.
{Ort}, {Datum}